အာလူးစားသူများ (Potatoes eaters) ပန်းချီကားဘာလို့ နာမည်ကြီးတာလဲ?

ဒီဆောင်းပါးလေးကိုမဖတ်ခင်စာဖတ်သူကို အကြံတစ်ခုလောက်ပေးချင်ပါတယ်။
ဒိဆောင်းပါးကိုဖတ်တွေအခါစာတွေချည်းပဲမဖတ်သွားပါနဲ့ စာဖတ်လိုက်
ပုံနဲ့ယှဉ်ကြည့်လိုက်လုပ်ပေးပါ။ အဲဒါမှပန်းချီဆရာကပေးချင်တဲ့ရသကို
အပြည့်အ၀ခံစားနိုင်မှာမို့လို့ပါ။
ဒတ်ခ်ျလူမျိုးဗင်းဆင့်ဗန်ဂိုးလ်ရေးဆွဲခဲ့တဲ့ ဒီပန်းချီကားကိုကြားဖူးနေတာတော့ကြာပါပြီ။
ကမ္ဘာကျော်တဲ့ပန်းချီကားဆိုတော့ ဘာလို့နာမည်ကြီးတာလဲသိချင်တာနဲ့
အင်တာနက်မှာရှာဖွေမိတယ်။ ဒါပေမဲ့ ပန်းချီကိုမြင်မြင်ချင်းတော့
ဘာကြီးလဲဟ ဆိုတဲ့အတွေးတော့ဝင်မိတယ်။
ပန်းချီအနုပညာကိုကောင်းကောင်း မခံစားတတ်တာလဲပါပါတယ်။
ဒါနဲ့ကျွန်တော်လည်းအင်တာနက်မှာဒီပန်းချီကားဘာလို့နာမည်ကြီးလဲဆိုတာကို
ရှာဖွေကြည့်ပါတယ်။ဘာလို့နာမည်ကြီးလဲဆိုတာကိုဖတ်ပြီးသွားတဲ့နောက်မှာတော့
ကျွန်တော်ဒီပန်းချီကားရေးခဲ့တဲ့ဗင်းဆင့်ဗန်ဂိုးလ်ကို လက်ဖျားရောခြေဖျားပါ
ခါသွားမိပါတယ်။တော်တော်ကိုတော်တဲ့ပန်းချီဆရာဆိုတာကိုလက်ခံသွားပါပြီ။
ကဲဘာလို့နာမည်ကြီးလဲကြည့်ကြရအောင်။

ပန်းချီရဲ့ဆိုလိုရင်း
ဒီပန်းချီကားကို ၁၈၈၅ အေပရယ်လမှာဒတ်ခ်ျလူမျိုးပန်းချီဆရာကြီး
ဗင်းဆင့်ဗန်ဂိုးလ်ကရေးဆွဲခဲ့တာပါ။ အခုလောလောဆယ်မှာတော့
ဒီပန်းချီကားဟာနယ်သာလန်နိုင်ငံအမ်စတာဒမ်မြို့က ဗင်းဆင့်ဗန်ဂိုးလ်
ပြတိုက်မှာရှိပါတယ်။ ဒီပန်းချီကားဟာ စားပွဲတစ်ခုရဲ့ပတ်လည်မှာ အာလူးစားနေကြတဲ့
တောင်သူလယ်သမားငါးယောက်ရဲ့ပုံကိုရေးဆွဲထားတဲ့ဆီဆေးပန်ချီကားတစ်ချပ်ပါ။
သုံးယောက်ကမိန်းကလေးတွေဖြစ်ပြီးကျန်တဲ့နှစ်ယောက်ကတော့ယောင်္ကျားလေးတွေပါ။
ဒီပန်းချီကတောင်သူလယ်သမားငါးယောက်ရဲ့ ညစာကိုလက်တွေ့ဆန်ဆန်
သဘာဝကျကျဖော်ပြချင်တာပါ။ သူတို့ငါးယောက်ထဲကအများစုက အာလူးစားနေကြတယ်။
ညာဘက် ကအမျိုးသမီးကြီးကကော်ဖီရောင်နဲ့ဆင်တဲ့ လက်ဖက်ရည်ကြမ်းတွေကို ငှဲ့နေတယ်။
သူတို့အားလုံးဦးထုပ်တွေ၊ ခေါင်းစည်းတွေ၊ ထူပြီးရှည်တဲ့ အ၀တ်အစားတွေ
ဝတ်ဆင်ထားကြတယ်။သူတို့တွေကအားလုံး အမှောင်ခန်းလေးထဲမှာရှိနေကြတယ်။
တစ်ခုတည်းသောအလင်းရောင်က မျက်နှာကြက် ထုတ်တန်းမှာတွဲလောင်းချထားတဲ့
မီးအိမ်လေးကနေဖြာကျနေတာပါ။ ဒီမီးအိမ်လေးကပန်ချီကားရဲ့အလယ်
တည့်တည့်လောက်မှာရှိနေပါတယ်။ ပြီးတော့ ဒီမီးအိမ်လေးကြောင့်ပဲ
တစ်ခန်းလုံးလင်းနေတာပါ။
ပန်းချီကားကအမှောင်တွေဆန်တဲ့အရောင်တွေသုံးထားပေမဲ့ တောင်သူလယ်သမားတွေရဲ့
မျက်နှာကတော့ တောက်ပနေပြီးသူတို့ရဲ့စိတ်ထဲကရောယှက်နေတဲ့အတွင်းစိတ်ခံစားမှုတွေကို
ဖော်ပြနေပါတယ်။ သူတို့မျက်နှာ အမူအရာတွေဟာတစ်ခုခုကိုအလေးအနက်ထားပြီး
တည်ငြိမ်နေတာ ကိုတွေ့ရတယ်။နောက်တစ်ချက် အနေနဲ့ သူတို့တွေမပျော်ရွှင်ကြဘူး
ဆိုတာကိုလည်းသူတို့မျက်နှာတွေကဖော်ပြနေတယ်။ သူတို့ရဲ့မျက်နှာပေါ်မှာ
တစ်ခုခုကိုစိတ်ထဲမှာအကောင်းနဲ့အဆိုးဒွန်တွဲပြီးဒွဟဖြစ်နေပုံ ၊တစ်ခုခုကိုမယုံကြည်တဲ့
ပုံမျိုးတွေလည်း ပေါ်နေတယ်။သူတို့တွေအားလုံးတစ်ယောက်နဲ့တစ်ယောက်
စကားပြောမနေကြဘူး။ သူတို့အတွေးကမ္ဘာလေးနဲ့ သူတို့တစ်ခုခုကိုတွေးနေကြတယ်။
သူတို့တွေမှာ ကြမ်းတမ်းတဲ့ပုံစံတွေရှိနေတယ်။ဒါကလည်းလယ်သမားတွေရဲ့ အထင်ရှားဆုံး
ဝိသေသလက္ခဏာ တစ်ခုကိုပုံဖော်ထားတာပါ။ သူတို့အာလူးစားဖို့ ဆန့်ထုတ်ထားတဲ့
လက်တွေကိုကြည့်ခြင်းအားဖြင့် သူတို့အားလုံးဟာပိန်ပြီးအသားအရေတွေလည်း
ကြမ်းတမ်းနေတာကိုတွေ့ရပါတယ်။ ဒါပေမဲ့သူတို့ရဲ့ပုံစံတွေဟာ တမင်သက်သက်ပုံ
ဖော်ယူထားတဲ့ပုံမပေါက်ပဲနဲ့အရမ်းကိုသဘာဝဆန်နေပါတယ်။
ဗန်ဂိုးလ်ဟာဒီပန်းချီကားမှာ ဆင်းရဲသားတောင်သူတွေရဲ့ဆင်းရဲကြမ်းတမ်းတဲ့သာမန်
ဘ၀လေးကို ပုံဖော်ချင်တယ်ဆိုတာသိသာပါတယ်။
အရောင်အသုံးပြုပုံ၊အထားအသိုအခင်းအကျင်းနဲ့ ပန်းချီကားအပေါ်သက်ရောက်မှု
ပန်းချီကားတစ်ခုလုံးကို အဖြူအမည်းပဲအသုံးပြုထားပါတယ်။ အဓိကအသုံးပြုထားတဲ့
အရောင်တွေကလည်းငြိုးငယ်ခြင်း၊စိတ်ဓာတ်ကျခြင်းတွေကိုဖော်ပြတဲ့ အညိုရောင်၊
အနက်ရောင်လိုမျိုးအရောင်မှိန်မှိန်တွေကို အဓိကအသုံးပြုထားပါတယ်။
မြေကြီးအရောင်နဲ့ဆင်တဲ့အညိုရောင်တွေဟာလယ်သမားတွေရဲ့
နေလောင်တဲ့မျက်နှာနဲ့ ကြမ်းတမ်းမှုတွေကို အဓိကပုံဖော်ပေးပါတယ်။
သူတို့တွေဟာတစ်နေ့တစ်နေ့ နေရာင်အောက်မှာ အလုပ်လုပ်ကြရတဲ့အတွက်
အညိုရောင်ကိုအဓိကအသုံးပြုပြီး သူတို့ရဲ့ပုံကို ပုံဖော်ထားတာဖြစ်ပါတယ်။
ဒီအရောင်တွေကြောင့်ပဲပန်းချီကားဟာလည်း အရမ်းကိုသဘာဝဆန်နေပါတယ်။
ဒီပန်းချီကားဟာလက်တွေ့ဆန်ပြီးနည်းနည်းလေးမှချဲ့ကားထားခြင်းမရှိတဲ့
ပုံပေါက်နေပါတယ်။ လယ်သများတွေရဲ့နေ့စဉ်ဘ၀ကိုလဲ ကွင်းကွင်းကွက်ကွက်ကို
မြင်စေပါတယ်။ သူတို့တွေရဲ့မျက်နှာတွေကိုလည်း အသေးစိတ်ကြည့်ကြည့်လိုက်ပါ။
အပေါ်ကမီးအိမ်ရဲ့အလင်းရောင်အလိုက် မျက်နှာပေါ်မှာမှောင်တဲ့အခြမ်းက
မှောင်နေပါတယ်။ အရမ်းကိုအသေးစိတ်ပါတယ်။
ဒီပန်းချီကားရဲ့ အထားအသိုအခင်းအကျင်းကလဲ လုံးဝကိုစနစ်ကြပါတယ်။
သူတို့တွေနေရာယူထားတာကိုကြည့် ခြင်းအားဖြင့် ပန်းချီကားဟာ
နှစ်ဘက်မျှတာကိုတွေ့ရပါတယ်။ စားပွဲရဲ့တစ်ဘက်တစ်ချက်မှာ
မျက်နှာချင်းဆိုင် ထိုင်နေတဲ့ လူနှစ်ယောက်ဆီရှိတယ်။
အလယ်ကကျောပေးထားတဲ့ ကောင်မလေးက ထိုနှစ်ဖွဲ့ကိုအလယ်ကနေ
နှစ်ခြမ်းခွဲထားသယောင်ဖြစ်နေတယ်။ သူတို့အားလုံးဟာပေါင်းစည်းတဲ့ပုံလည်း
ပေါက်တယ်။ သူတို့အားလုံးဟာ အရမ်းကပ်ကပ်ကြီးလဲထိုင်မနေကြဘူး။
သက်တောင့်သက်သာလဲဖြစ်တဲ့ပုံပေါ်တယ်။ ပန်းချီကားတစ်ခုလုံးမှာ
အလဟသနေရာမပါဘူး။ နေရာအားလုံးကို မျှတတဲ့ပုံစံဖြစ်အောင်ဆွဲထားတယ်။
မျက်နှာကျက်ကလဲလယ်သမားတွေနဲ့အရမ်းကိုနီးကပ်နေတယ်။ အခန်းကအရမ်းကို
သေးပြီးတော့ ဟောင်းနွမ်းစုတ်ပြတ်နေတယ်။ ထိုင်နေတဲ့သူတို့တွေကိုစာဖတ်သူစိတ်ထဲမှာ
မတ်တပ်တစ်ချက်လောက်ရပ် ခိုင်းကြည့်လိုက်ပါ။ အမိုးကအရမ်းနိမ့်နေတော့
သက်တောက်သက်သာတော့ရှိမှာမဟုတ်လောက်ဘူးနော်။
ဒီအမိုးနိမ့်နိမ့်လေးလုပ်ထားတဲ့အချက်က ပဲပန်းချီကားကိုတိတ်ဆိတ်ပြီး
အေးအေးစက်စက်ဖြစ်နေစေတယ်။
ပန်းချီကားရဲ့သဘာဝကျမှု
ဒီပန်းချီကားမှာပါဝင်တဲ့ လူတွေ၊နေရာတွေ၊ပစ္စည်းတွေအရာအားလုံးဟာ
တိကျပြီးမှန်ကန်တဲ့အပြင် အရမ်းကို သဘာဝဆန်ပါတယ်။
လယ်သမားတွေရဲ့ခန္ဓာကိုယ်အစိတ်ပိုင်းတွေကအစအပိုအလိုမရှိပီပြင်အောင်
သေချာကိုရေးဆွဲထားတာကိုတွေ့ရပါတယ်။ လယ်သမားတွေရဲ့ပုံစံနဲ့
အာလူးတွေ၊ခွက်တွေ၊စားပွဲတွေကိုလည်း သုံးဖက်မြင်ပုံစံနဲ့ဆွဲထားတာ
ကိုလည်းတွေ့ရပါတယ်။ ဒီလိုအချက်တွေကလည်းဒီပန်းချီကားကို ပြည့်စုံအောင်
ထောက်ပံ့ပေးနေပါတယ်။အသုံးပြုထားတဲ့အရောင်တွေကလဲနေရာအလိုက်
မှန်ကန်မှုရှိပြီးလက်တွေ့အရမ်းဆန်ပါတယ်။အလုပ်ကြမ်းတွေကို နေရောင်အောက်မှာ
လုပ်ထားရတာကိုလဲသိသာအောင် မျက်နှာနဲ့လက်တွေကိုမြေကြီးရောင်ဆန်တဲ့
အညိုရောင်ကိုသုံးထားပါတယ်။
ပန်းချီကားရဲ့တစ်ခုတည်းသောအလင်းရောင်ကိုလည်းထုတ်တန်းမှာဆွဲထားတဲ့
မီးအိမ်လေးကနေယူထားပါတယ်။ ဒါအပြင် အလင်းအမှောင်အသုံးပြုခြင်း
ကလည်းအထင်ကြီးလောက်ပါတယ်။လူတွေအပေါ်မှာထင်ရှားအောင်
ရေးဆွဲထားခြင်းကနောက်ခံအရောင်တွေနဲ့လည်းကွဲပြားနေစေပါတယ်။
ပြင်ပလက်တွေ့ ဘ၀မှာ လယ်သမားမိသားစု ထမင်းဝိုင်းတစ်ခုကို
သွားလည်လို့ အပြင်မှာမြင်ရတဲ့အတိုင်းဖြစ်အောင် အပြစ်ရှာမရအောင်
ရေးဆွဲထားတာပါ။
အရောင်မှိန်မှိန်တွေအသုံးပြုထားခြင်းကလဲ ဆင်းရဲသားမိသားစုရဲ့ဘ၀ကို
ပီပီပြင်ပြင်ဖော်ပြနေပါတယ်။ပတ်ဝန်းကျင်သွင်ပြင်အခြေအနေ၊
သူတို့တွေရဲ့စိတ်ခံစားမှုတွေကိုလည်းအရောင်တွေနဲ့စနစ်တကျဖော်ပြခဲ့တာပါ။
ဒါကြောင့်လည်းပဲဒီပန်းချီကားကြည့်လိုက်သူတိုင်းကို တကယ့်သဘာဝဆန်တဲ့
လယ်သမားတွေရဲ့ နေ့တဒူဝဘ၀ကို မြင်သာစေတာပါ။ ဒီပန်းချီကားကအရမ်းကို
ပြည့်စုံလွန်းလို့လည်း ကမ္ဘာကျော်ခဲ့တာပါ။
ကျွန်တော်လည်းအစကဒါတွမသိခဲ့ပါဘူး။အင်တာနက်ကlinkတစ်ခုက
ဆောင်းပါးလေးကိုဖတ်ရင်း ဒီပန်းချီကားရဲ့အနှစ်သာရကိုခံစားမိတာပါ။
ကျွန်တော်သိသလို ကျွန်တော့်စာကိုအမြဲဖတ်တဲ့သူတွေလည်း
သိအောင်မျှဝေချင်တဲ့ စိတ်ကြောင့် အဲဒိlinkကစာကိုဘာသာပြန်ပြီး
ကျွန်တော့်ခံစားချက်တွေပါ ထည့်ပြီး ဆီလျော်အောင်ပြန်လည်
ရေးလိုက်တာပါ။ ဗင်ဂိုးလ်းကိုလေးစားတဲ့စိတ်ကြောင့်ဘာသာပြန်ရင်းနဲ့တောင်
ကြက်သီးတွေထနေပါတယ်။ ဒီပန်းချီကားကတော့
ကျွန်တော့်အကြိုက်ဆုံးပန်းချီကားတစ်ချပ်ဖြစ်သွားပါပြီ။

မူရင်းlink
http://designercityline.wordpress.com/2010/03/15/writing-analysis-of-the-potato-eaters-by-van-gogh/
မိုးရှင်း (I.M.T)


မြန်မာစာအုပ်ဆိုင် Fagebook Page ကို{ ဒီမှာ } သွားပြီး Like နှိပ်လိုက်ပါ


မြန်မာစာအုပ်ဆိုင် Group ကို{ ဒီမှာ } သွားပြီး Join နှိပ်လိုက်ပါ


မြန်မာစာအုပ်ဆိုင် မှ တင်သမျှကို { ဒီမှာ } သွားဖတ်လိုက်လိုက်ပါ

<<< စာပေချစ်သူ ပရိတ်များ အားလုံး မင်္ဂလာပါ..

မြန်မာစာအုပ်ဆိုင် မှ တင်ဆက်သော စာအုပ်များကို မည်သူမဆို

လွတ်လပ်စွာပြန်လည်မျှဝေနိုင်ပါတယ်....

အခု လို အားပေးတဲ့အတွက် ကျေးဇူးအထူးတင်ပါတယ် >>>

http://www.mmbookstore.net/